Ku-Birm Kwon: Bloggið og vatnið

Ku-Brim Kwon er:

2008-07-20T16:36:00.000+04:00

http://www.minkurinn.blog.is/blog/minkurinn/

정답

2007-02-28T00:20:00.000+04:00

Ho ho. Enginn sendi inn rétta svarið. Munurinn á þessum tveimur? Þið haldið að það sé munur. En segið mér þá: Hvað í andskotanum er þetta?

묻기

2007-02-21T00:37:00.000+04:00

Það er tíska að ráða gátur: Hver er munurinn á Tom Cruise og ..æ ég man ekki hver hinn var..?
Eða jú: Hver er munurinn á Tom Cruise og Michael J. Fox?

굽다

2006-11-24T15:53:00.000+04:00

Ég er að brenna inni með bakstur. Það var gripið fram fyrir hendurnar á mér heima svo ég verð að gera betur og toppa það sem komið er. Ég hyggst nýta mér dag sem annars var hugsaður í "Álver fyrir iðnaðarmenn" sem auglýst hefur verið en það verður að forgangsraða. Ég meina, fyrir hverja er álver ef ekki iðnaðarmenn? En þetta er baráttuefni (Ég heyri hvíssslað, álver fyrir iðnaðarmenn) en ég fer heldur heim til mín og baka. Ekki reyna að hjálpa mér!

생존자

2006-11-21T02:39:00.000+04:00

Jæja kæri lesandi. Þá get ég loksins boðið ..nei gefið af mér. Ég stend fyrir málþingi um velgengni í Háskólabíói þann 1. desember og sérstakur gestafyrirlesari er Richard Hatch, sérfróður í velgengni og góður í árangri. Þér er boðið að koma til sérstaks kvöldverðar (jólahlaðborð kannski?) þann 30. nóv til heiðurs hr. Hatch; hann lendir á Keflavíkurflugvelli kl. 14:30 og á Reykjavíkurflugvelli kl. 16:00 samkvæmt áætlun ef þú vilt koma og taka á móti. Auk þessa býð ég afslátt á málþingið; annars eru þrjú miðaverð, frá 15-29.000 kr.- eftir því hvar setið er. Ég vona að ég sjá þig og sendu póst ef spurningar vakna.

두꺼운 나사천 자켓

2006-11-03T03:02:00.000+04:00

Þegar ég hugsa um Úlpu þá man ég allt í einu eftir Óla úlpu. Það höfðu allir kallað hann Óla úlpu dálítinn tíma áður en ég kveikti en Gauti sagði "hann er alltaf í úlpunni". Ég man bara eftir þykkum strák sem ég veit ekki hvað er gamall, í stuttbuxum og allt of stórri úlpu fráhnepptri inni í ÍR-heimili á æfingu. Ég hef ekki séð hann síðan en Óli, ef þú lest þetta þá sendu mér póst.

사교 댄스

2006-11-03T02:17:00.000+04:00

Þessi er tekin í súlnasal í gærkvöldi, smá forskot á jólin en það var eitthvað jólahlaðborð í vinnunni og dansað á eftir. Hljómsveitin úlpa var pöntuð en þeir voru ekki í jólaskapi og gerðu einhvern hljóðgjörning og spiluðu bara í hálftíma. Það var rétt enn þá hádegishlé þegar þeir ætluð að fara en menn voru ekki beint á því að hætta þá, það er ömurlegt að fara á hlaðborð og mæta svo blístrandi belgdur í vinnu aftur. Þessu lauk með því að úlpa var lamin í klessu, hver með annarri og svo skiptust menn á að spila. Til að bæta úr fyrir úlpumenn tók ég tvö lög af plötunni mea culpa og söng jólatexta við.

호로딸기

2006-10-23T03:45:00.000+04:00

Það er orðið svo kalt að ekkert landsvæði telst lengur berjaland. Það er ömurlegt að tína ber sem hafa frosið og svo eru þau bara ekkert góð. Ég hef ekki orðið eins reiður og þegar ég sá að Þverárfjallið var ónýtt þetta haustið vegna skipulagsleysis míns. En ég átti ágætt tímabil þetta haustið, búinn að sjóða 25 lítra af krækiberjasaft og égveitekkihvað mikið af bláberjasultu. Fékk líka krampa í framhandlegginn þegar ég var að kreista safann; þurfti að taka á öllu sem ég átti. Verst hvað menn geta orðið æstir í berjamó. Þetta byrjaði sem algjör slökun og mér fannst ég gleyma öllu bara þegar ég komst í góðan móa en svo verður kappið svo mikið að maður veit ekki fyrr en maður er farinn að öskra á fjölskylduna berjablár upp að eyrum og rífst í ókunnu fólki sem villist inn á mín svæði. Það vantar alla vega ekki krækiberjahlaup hér með slátrinu. Eða í jólakommfektið. Verst að ég kann ekki að gera vín úr þessu.

양치기

2006-10-10T16:56:00.000+04:00

Fór í réttir um helgina á Vestfjörðum, fjárréttir, þar sem skórnir mínir og fleira lykta enn af fjárhúsum og hrossataði. Það er farið að minnast á þetta hér á vinnustofunni. En það sem mér blöskruðu bændur á Ströndum. Hvernig haldið þið að þetta reki fé? Menn ganga eða valhoppa og gelta eins og hundar. Segja bara voff eins og það sé það eina sem virki þar sem hundarnir gelta á fé. Það er ekki frumlegheitunum fyrir að fara. Ég missti mig aðeins þegar ég náði tali af lambakónginum Kidda Kristjánssyni og réttarstjóranum Ármanni Halldórssyni og lét þá heyra að þetta þættu ekki búmenn í öðrum héruðum. Þetta væru engin vinnubrögð. Næst þegar rekið var inn tók ég lamb í fangið, máli mínu til áréttingar, hljóp svo inn í hópinn á móti safninu og öskraði mörg og lærð blótsyrði, sem sum voru á ensku og vísuðu í kynlíf, og valdi helst þau ljótustu sem ég þekkti og þóttist hafa kennt "bændum" á Ströndum þó nokkuð í einni svipan. Ein móðir lét í ljós áhyggjur sínar en ég skellti þá lambinu í fangið á henni og bað hana heilasta að koma lambinu fyrir þar sem það nyti engrar sólar. Nú er ég farinn að huga að jólum, ég veit að það er ball í Súlnasal fljótlega.

말고삐를 잡다

2006-10-04T19:58:00.000+04:00

Jæja það verður að birta réttarsöguna. Fór í síðustu eða næstsíðustu réttirnar mínar í haust, ég er oftast í réttum. Þetta voru hrossaréttir á Vatnsnesi í kulda og bleytu, hafði lítið að gera og var einn að rangla um. Rakst til dæmis á myndatökumann Sjónvarpsins sem var greinilega að leita að hefðbundnu hasarmyndefni og bar hann sig ekki vel. Ég lofaði honum myndefni og hann gerði klárt, ég tók tilhlaup inn í hálftóma réttina og renndi mér á maganum í drullunni undir jarpa hryssu, greip í fætur og kippti henni niður. Ég var heppinn, að annarra sögn, að verða ekki undir henni en reyndi svo að draga hana, bara í einhver dilk, en fékk heldur illt auga bænda sem annars höfðu bara hangið í spjalli og drykkju með hendur í rassvösum. Loks kom að eftir smástapp að tveir fílefldir bændur fóru að pönkast í mér, halda í og ýta mér eitthvað. Myndatökumaðurinn benti mér að halda áfram svo ég fór að þusa hástöfum og reiðilega, lét heyrast hátt og skýrt orð eins og múgavél, heilsubrestur, bændasamtök, landbúnaðarráðunautur, Ytri-Dal, Steingrímur, mjólkurkvóti, allt hans lið og fleiri slík, og gætti þess að horfa reglulega í myndavélina. Hryssan var reist á fætur og færð á sinn stað og einhver reyndi að hrinda mér. Ég greip framhófa á einhverju folaldi og otaði að mönnum ógnandi og komst út úr réttinni, myndatökumaðurinn bauð mér rjómavöfflu og við þóttumst ánægðir með þetta myndefni þótt réttarstjórinn hafi gefið mér þriggja rétta bann sem tók gildi þá þegar og átti við allt Húnaþing. Svo var bara ball í Þorfinnsstaðaskóla um kvöldið og þar var dansað af krafti. Þar virtist allur æsingur úr mönnum, að minnsta kosti á meðan ég dansaði við þá.

철자법

2006-09-19T22:21:00.000+04:00

Búinn...á næstum tveimur vikum að klára nýju stafsetningarorðabókina. Þetta verður oft svo svæfandi lesning þegar líður á nóttina að lesturinn sóttist seint. Nú er ég að velta alvarlega fyrir mér hvort ég eigi að ganga til liðs við klúbb sem ég veit ekki hvernig ætti að lýsa; spurningin er bara hvort ég virkilega nenni reglulegu fundastandi umfram það sem er í vinnunni. Þetta hafa, eins og stafsetningin, verið tveggja vikna heilabrot sem engu hafa skilað. En ég hef þó komið einu í verk. Ég breytti LandCruiser '94 módeli, löngu gerðinni á tveimur hásingum, og er því loksins kominn á jeppa. Það var verk sem varð að ljúka á skömmum tíma þar sem nágrannarnir pressuðu dálítið á að ég lokaði gryfjunni sem ég útbjó á planinu. En ég stakk heldur betur upp í þá. Ekki er jeppinn bara á 38 tommum heldur með bakkhói og liðstýringu. Á bara eftir að fá á hann skoðun. Mynd kemur von bráðar.

백수의 왕

2006-08-16T02:03:00.000+04:00

Ég fletti upp orðingu spjátrungur á norskri netsíðu um daginn. Þá kom meðal niðurstaða síða um Jakob Frímann Magnússon. Man ég þá eftir því þegar ég hitti hann í sundi. Það var í búningsklefanum og hann var svo feiminn, hann setti handklæðið fyrir klofið á sér og hoppaði einhvern veginn á tánum inn í sturtuna. Með þennan líka pokarass. En hann ætlaði að vera svo snöggur út að menn bentu honum á að þvo sér með sápu án sundfata áður en hann gengi til laugar. Skipti þá engu að tvo baðverði þurfti að lokum til að sápa karlinn sem bar sig ekki vel. Ég gat ekki stillt mig um að æpa úr búningsklefanum: "segðu eitthvað gáfulegt núna!". Mér hefur nefnilega alltaf þótt hann koma svo vel fyrir sig orði. Ég sá svo ekkert meira svo hann hefur örugglega skilað sér út í laug bara. En rosalega kemur haustið aftan að manni..

음식에 정통한 사람

2006-07-26T06:53:00.000+04:00

Ég veit ekki hvort ég eigi að skella leyndarmálinu en hér kemur það: Getiði hver er að fara að borða með Völla Snæ. Það er sko ég. Næsta fimmtudag er Völli Snær á skjánum og þá er ég í þættinum í hlutverki eins vina hans sem fær að borða allt í lokin. Eða reyndar verð ég bara einn. En við erum samt vinir dáldið. Höfum skrifast á síðan í síðustu seríu því mér varð það á að gagnrýna hann harðlega. En endilega horfið. Ég skal svo segja rækilega hvernig upplifunin var. Hvað ég hlakka til..!

차마

2006-07-25T18:23:00.000+04:00

Nú er ég í nokkrum vanda með drauma. Í morgun dreymdi mig nefnilega að ég væri staddur í kofa á hálendinu. Úti var krökkt af mýi og í kofanum með mér var afar sjaldgæfur klár sem ég vissi að héti Kiddi. Þá þótti mér sem okkur vantaði kaffi en Kiddi hélt nú ekki og sagði á þýsku: Wir trinken kein "Kaffi" im Sommer. Ég fór út að gá til veðurs en var þá staddur í einhverjum hringdansi. Og lengri varð draumurinn ekki. Nema hvað nú hringdi síminn rétt í þessu og það var spurt eftir 말한필이끄는마차 sem ég kannast þó við. Hvað í ósköpunum gæti þetta átt að þýða? Svo er að hellast yfir haust án þess að sumarið sé búið. En í kvöld syngur Magni einu sinni enn, ég skil ekki að nokkur vilji komast í þessa hljómsveit sem samt er engin hljómsveit.

장대하다

2006-07-20T00:04:00.000+04:00

Ég fikraði mig nær þér, fjær þér, nær þér, nær þér og sagðist heita Magni. Þótt ég hafi nú setið og sent sms á Magna langt fram eftir nóttu. Þar til ég tók saman hvað þetta myndi kosta. Þá sofnaði ég ekki heldur. En mikið er gaman að því hvað strákurinn minn stendur sig. Mér finnst ómaklegt hjá Jason Newsted að segja hann "fíngerða blöndu af Björk og Kristjáni Jóhannssyni". Þá væri nær að líkja honum við ungan Helga Björns. Auðvitað er samlíkingin við Björk óumflýjanleg. Ég hef lagt ríka áherslu á það í bréfum mínum til sveitarinnar að Magni forðist alla Bjarkartakta og Múm-stælingar líka. Svo er draumurinn að það takist að selja Skjáeinum þetta. Við erum að skoða hvaða hljómsveitir gætu haft svona þátt. Kannski ofurrappsveit með Dóra DnA og Þorsteini úr Rottweiler. Eða hljómsveitin Buff. Best af öllu væri samt Rokkstjarnan: Á móti sól. Þá dauðvantar söngvara síðan Snorri Idol hafnaði þessu. Það er Supernova-partý hér hvenær sem er ef einhver er í stuði.

갱생

2006-06-06T14:41:00.000+04:00

Það kemur upp lag: I believe in you, even in the morning after

투표하다

2006-05-24T03:14:00.000+04:00

Ég held nú að ég skuli fara á laugardag til að kjósa nýja stjórn. Systir mín er í framboði en held ég láti það ósnert. Þá verð ég að klæða mig upp. En verð hvort eð er í búningi þar sem fyrr um daginn eru hátíðahöld í skólanum mínum og ég verð líklega í einhverjum grímubúningi. Svo er bara hvort það náist í veislu um kvöldið. Svo er gaman frá því að segja að allt stefnir í að ég verði önnur vídeóbloggstjarna Íslands. Það er eitthvað sem mig hefur dreymt um í marga daga... næstum eins lengi og það að bjóða alþjóð að fylgjast með góðverka- og heilsuátaki mínu. Það er óhætt að segja að margt sé á prjónunum hér

알려지지 않다

2006-05-03T01:22:00.000+04:00

Það er loksins þriðjudagur. Enn engir fyrripartar botnaðir í tilefni vorkomu. Hér er einn sem lesandinn getur botnað:

Sífellt endrum sendur austur,
lentur við Vatnaskóg.
Ekki traustur hnokkinn hraustur
laust kristús smkristús nóg.

Nú botnar þú, en ég verð jafnframt að óska aðstoðar í hinu undarlegasta máli. Ég komst í nýja íbúð í vetur. Þar rek ég svo oft augun í þessa hillu en myndirnar eru alltaf jafnókunnunglegar. Svo ef einhver þekkir fólkið á myndunum þá mynda það botna mörg deilumál hér innanhúss. Sérstaklega þetta barn þarna...

전진

2006-04-25T00:31:00.000+04:00

Þykir mér nú við hæfi þegar sumarið hleypir vori í náttúruna í manni að rifja upp og heiðra Vatnaskóg með ljóðabálki. Það má endalaust bæta við hann en byrjunin er svona:

Ávallt var ég endrum sendur
norður í Vatnaskóg,
varla var ég orðinn kenndur
er ég var spenntur fyrir plóg.

Síðan var ég oftast sendur
eitt sinn í Vatnaskóg,
flesta morgna var ég flengdur
flestur prestur hlóg.

올림픽 대회

2006-04-23T16:02:00.000+04:00

Hér segir af leikum. Við erum stödd á furðuleikum á Ströndum. Þá er lagt út af ýmsum siðum til sveita og menn reyna sig og fá að leika hlutverk. Ég hlaut hið sneypulega hlutverk afturenda "bóndasonarins" sem sést fyrir miðju, ég er klæddur svörtu. Skil ekki alveg hugmyndina að baki þessu. En ég er á leið aftur á Strandir í sumar þar sem ég verð dómari í meistarmóti hrúta. Kannski ég geti keppt í dráttarvélaakstri líka. Þá skulu menn hætta að grína með það þegar þurfti að draga mig í haugunum um árið. Það er að segja ef ég vinn.

양

2006-04-13T00:53:00.000+04:00

Það má segja að ég taki mig vel út á þessari mynd sem birtist í sérlegri úttekt á réttum fyrr og nú. Þarna má glögglega sjá mig dálítið til hægri, íbygginn, yfirvegaðan en þó með hverja taug spennta, einmitt reiðubúinn að mæta árás úr sérhverri átt þá og þegar. Geta má þess að þær urðu nokkrar þennan dag í september, sumar blóðugar á báða bóga og þurfti oft að kalla til menn til að ganga á milli. Manni sem úthlutað er þetta svæði í rekstri er einnig fenginn titillinn fjallkónugur og jafnvel (ranglega) lambakóngur enda hefur hann þá þegar lagst með "lambdrottningunni" fyrr um morguninn. Ölvun var ekki teljandi þennan dag minnir mig; einnig með minna móti um kvöldið.

엽조

2006-04-05T20:43:00.000+04:00

Það er farið að grilla í páskann sjálfan og frí hefst eftir tvo daga. Páskarnir eru ekki alveg jafnhátíðlegir og jólin, sérstaklega vegna þess að það eru ekki haldin sambærileg mannamót í kringum þá, til dæmis í Kóreu. Mikið væri því gaman að gera sér þeim mun meiri dagamun í páskafríinu. Ég á ekki von á því að Stebbbi sé búinn enn svo hann verður varla með en það koma ráð. Það verða því margar og óvæntar heimsóknir næstu daga, til dæmis...

정사

2006-03-28T22:13:00.000+04:00

Whoa. Ég er loksins kominn með myndbandið af Karli og Barböru í hendur, þetta er nú ekkert gæðaefni verð ég að segja; frekar lítið djúsí en myndatakan býsna góð. Verst að maður getur ekki annað en hugsað um hvernig ólukkans útkoman yrði. En nóg um það. Ég er lítið búinn að grafa undanfarið enda búinn að komast í heljarinnar kvennafans. Seyðisfjörður kom aldeilis aftan að manni. Þetta var bara álverið sem hafði skekkt myndina aðeins. Og talandi um álver: þegar ég vann hjá álverinu í Straumsvík fyrir um 10 árum þá sagði ég að það yrði að loka þar ef það yrði ekki lakkað innan 10-15 ára. Og hvað kemur á daginn?

천일염

2006-02-01T03:04:00.000+04:00

Seyðisfjörður var fallegur þegar ég kom þangað. Það eru flest húsin tóm um vetur en þegar það er þorrablót þá fyllist pleisið. Ég borðaði slík ókjör af þorramat að Seyðfirðingar álitu að ég væri sveitamaður, sem er rétt. Það er samt ekki hægt að rúnta mikið þar, til dæmis mun minna en á Akureyri. En það gæti verið eitthvað annað að sumri til. Það ótrúlegasta var að það leyndist ekki ein einasta gella á Seyðisfirði. Það var svoleiðis að manni blöskraði. En þar leyndist alnafni minn sem mig hefur dreymt að hitta um árabil. Og það gerðist heldur betur.

해고하다

2006-01-26T21:24:00.000+04:00

Tveir dagar í Kárahjúkum. Þeir verða ekki fleiri. Leið annars eins og heima hjá mér þangað til að ég áttaði mig á því að útvarpið var stillt á Bylgjuna. Maður ætti alltaf að hætta því sem maður er að gera þegar maður fiktar í útvarpinu. En ég bara þoli illa Bylgjuna. Annars erum við búin að vera á Seyðisfirði. Kannski ég sýni myndir þaðan, þar er gott að vera. Fínn hákarl líka.

발굴자

2006-01-17T01:15:00.000+04:00

Oft reikar hugurinn aftur til hans Stebba Pella. Hann var oftast kallaður Pellinn en hann heitir Pel Job. Eða var að vinna á Pel Job og þar með... Samt fékk ég aldrei þetta nafn og eiginlega enginn síðan því það var auðvitað frátekið. Það kemur maður í manns stað en nafnið fylgir jafnauðveldlega. Þegar ég var beðinn um að segja frá Pellanum á námsstefnu niðri á Fræðslumiðstöð var ég tregur til og fékk frest fram í febrúar en nú þegar ég hef lagst í athuganir og vangaveltur um stöðu Pellans eins og hann birtist okkur þá; þá kemur ýmislegt óvænt í ljós. Hver hefði til dæmis þorað að segja frá því að í Kína væri til herramaður, alls ólíkur þeim sem ég ætlaði að segja frá, sem ber sama nafn! Nú er ég í sambandi við þá báða og er næstum öruggt að þeir muni koma saman báðir á þessa
námsstefnu.

여기저기에

2006-01-09T01:15:00.000+04:00

Fyrst ég er að verða sá síðasti þá... Nú er vertíðin að klárast hjá manni. Margir búinir að afskrifa þessi jól og lítið af böllum að ná sér í; helst von með jólaboð ennþá. Skellti mér á 2 á laugardag og svona hálfgert á sunnudag. Þar var ég frekar óvelkominn. En ball er ball. Við höfum frændur reynt að vera duglegir þessa jólavertíð og leitað uppi böll. Komumst líka í ansi heppilegan sal í Skipholtinu þar sem við æfðum reyndar dansinn ekkert svo, duttum í gamlar b-hliðar með jólalögum frá 8. áratugunum sem frændi komst yfir. Þar var líka mappa með óútgefnum erindum af jólaballalögum Ómars, helvíti sem hann hefur búist við að fólk entist undir þessu. Ég er bara mjög sáttur við þetta, náðum yfirleitt balli á dag að meðaltali. Ég er kominn með svo ákveðinn dansstíl, það er enginn amatörbragur á þessu hjá manni lengur. Já maður gat ekki hegðað sér eins og djövusta nýliði í þessum jólasiðum endalaust. Það er oft gaman að fylgjast með liðinu sem kann þetta varla eftir áratugi; hlógum oft vel eftir böllin. Yfirleitt dansa ég þannig að ég leiði þann sem er fyrir aftan mig (miðað við göngustefnu) með hálfopnum lófa svona yfir öxlina. Þann sem er fyrir framan leiði ég hátt (kannski í andlitshæð) og klemmi hendina hans milli þumals og hinna fingranna, sá litli fingur stendur þó helst til út. Þið megið til með að tileinka ykkur þennan stíl. Samt verða menn að vera nógu sveigjanlegir til binda sig ekki eingöngur við þetta, til dæmis þegar á að gera einhverjar hreyfingar, eða til að mynda í hókí póki.

암벽

2005-12-20T03:38:00.000+04:00

Ég er alveg búinn að sjá þetta fyrir mér með lagið mitt. Friðrik ætlar að syngja og redda bakrödd, það vantar enn trommara og bassa og jafnvel fleira. En mest verður lagt upp úr lúkkinu. Ég á von á leðurbuxum í jólagjöf með tvílitu kögri og svo er ég að sauma mér vesti. Síðan þekki ég mann sem átti bar og gæti komið mér í helgarspilun. Jólaballavertíðin er eiginlega of langt komin. Nema hvað ég er búinn að fara á 3 jólaböll held ég. Það er nú meira en nokkurn tímann og ekki komin jól. Aðalgeimið er eftir. Mér finnst að það ætti að banna höfuð herðar hné og tær á jólaböllum. Setur mig alveg aftur niður á jörðina. Ekkert jólalegt. Mér sárnaði ekki lítið þegar ég sá fólk taka þátt í þessu. En hókí pókí, það er allt annað mál. Þótt textinn sé meira svona hversdags þá er dansinn þannig að jólatréð fær svo verðskuldaða hyllingu. Svo hef ég lært nýjan hringdans, get ekki beðið eftir að sýna hann.

날지 못하는 새

2005-12-17T02:16:00.000+04:00

Það gengur agalega að hugsa um jólin. En ég er að komast í frí eftir 2 daga. Svo er von á góðum gestum í skólann. Óvæntum sko. En ég er búinn að skreyta jólatréð og vildi koma því hingað. Því að lagið jóla-hey virðist ekki virka. En ég er að vinna að nýjum vef sem kemur vonandi milli jóla og nýárs. Getið samt athugað linkinn á jóla-hey. Svo er ég að vinna að lagi, auglýsi eftir viðbótarhljóðfæraleikurum. Sem eiga hljóðfæri. Og gætu komist í upptökugræju. Ég er í sambandi við Friðrik Ómar.

스키이

2005-12-12T02:26:00.000+04:00

Kominn tilbaka úr skíðaferð til Dalvíkur. Veit ekki hvort ég kem þangað aftur en þetta var bara býsna gott. Pizza með sultu er sko ekkert sér-Dalvíkst held ég. En ég fór á skíði 4 daga í röð og bretti líka sem ég vona að ég fái ekki bakteríu fyrir, það er orðið dáldið seint. En það var lítið um Dalvíkinga á Dalvík og það var dáldið særandi. Þessi ferð dró mig dálítið úr jólaverkunum, veit ekki af hverju því bærinn var hvítur og skreyttur. Ég er reyndar að útbúa jólatré úr hnetum sem eru þræddar á vír, það eru sko alls konar hnetur. Svo hengi ég á þetta seríu sem ég á; það er bara hnetuskurn utan um perurnar. Verst að mér finnst þetta ekkert svo jólalegt. Vantar mannskap til að búa til jólablús og taka upp. Það á að vera svona 2. í jólum-blús sem fjallar um tómleikann í sálinni að jólum loknum. Jólavefurinn er orðinn svo stór að ég verð að linka á hann í bútum fram að jólum, þessi páskavefur fer þá og fyrst er kynnt til sögunnar lagið Jóla-hey!

소망하다

2005-12-04T15:52:00.000+04:00

Já það er komið að því. Verð að afsaka vesenið með jólavefinn minn, hann er á dálitlum þvælingi. Næsta ár er ljóst að ég læt fagmenn í að hanna þetta. Það verður þá hinn besti jólavefur sem keyrður er á Íslandi. En það er komið að óskalistanum mínum fyrir þessi jól. Hvað á að gefa mér? Hvers óska ég? Svarið er hér. Og í ár eru óskir mínar ekki fólgnar í pökkum heldur frekar í athöfnum. Og 메모하다:
Æi nei ég þarf að skoða þetta betur. Allt of háleit marmið. En það er eiginlega á þeim nótum að jólagjöfin sé ég sjálfur.

크리스마스 잘 보내세요! , Stebbi

2005-12-01T00:49:00.000+04:00

Já desember er rétt fram undan og á morgun opna ég vef sem ég er búinn að setja upp og vinna að í nokkurn tíma. Þar verða jólasögur, jólauppskriftir, jólalög, jólaskreytingar, jólamyndir og alls konar. Þetta er svona jólavefur. Opnar á miðnætti, kl. 00:00 þann 01.12.05! Og ég set um svipað leyti upp tengingu af þessum vef. Ég er nú orðinn svolítið spenntur. En ég má ekki setja þetta of snemma upp. Þess vegna set ég hér smá sem ég hef á vefnum og var að henda í um helgina. Þá var aðventa. Þetta er einfaldur krans sem auðvelt er að setja saman og um að gera að nota hugmyndaflugið. Takið saman greinar (greni og birki), blómavír, glært límband, koreander, köngla, gjafapappír og borða. Og svo kerti. Ég byrja oftast á því að vefja greinunum saman í hring og styrki jafnóðum með límbandi. Þá kannski slatta af límbandi. Síðan bind ég þvert og geri svona net úr gjafaborða og koreander. Það myndar svona hreiður, þar sem ég set köngla, jólapappír, jólakúlur, ljósmyndir eða eitthvað þannig. Svo geta kertin verið hér og þar, til dæmis á jaðrinum, sumir nota frekar jólaseríu. Ég setti í ár nokkrar smámyndir af vinsælu fólki og raðaði eftir hringnum og hafði dáldið brjóstsykur á milli. Fest með límbandi. Ef þið viljið hafa gervisnjó til að gera þetta svolítið jólalegt, það hugsaði ég til dæmis um helgina, þá er hægt að kaupa hann í brúsa. En ég átti smá raksápu sem ég notaði í staðinn, það er ágætt en ekkert sérstakt. Þá er kransinn tilbúinn, ég er þegar búinn að kveikja á hirðakertinu, að öðru leyti vísa ég á jólavefinn minn. Þið þurfið samt ekkert að gera svona krans. Samt ef þið gerið það þá er ég að safna svona uppskriftum og myndum á jólavefinn. Endilega lítið á hann!
Bless.

지정 대리인

2005-11-19T03:45:00.000+04:00

Já ég kvað víst aðeins um umb0ðsmanninn sem nú hefur sagt af störfum vegna faglegs ágreinings eða öllu heldur ósættis um það hvað kalla skuli hestinn erlendis. Sem minnir mig á sögu um nöfn á íslenskum hestum í Þýskalandi sem ég man ekki svo vel. Hvort þau voru íslensk eða þýsk. Ég er samt ánægður með umboðsmanninn þessi ár sem við störfuðum á svipuðum vettvangi og áttum ágætar stundir, vona að við höldum sambandi þrátt fyrir allt. Tók þessa mynd á landsmóti fyrir tveimur árum. En starfið er laust, það gæti glatt doktorinn. Dreymdi svo karlinn í vikunni. Það var sem við værum staddir á dansgólfi en stóðum bara og nikkuðum höfðunum. Allt í kring dönsuðu eldri borgarar nema skyndilega sýndist mér hann benda mér að fylgja sér. Ég elti en komst ekki fyrir fólki og týndi honum. Þannig gekk þetta nokkra stund áður en ég hrökk upp. Hefur setið í mér síðan og er líklega rótin að þessu öllu.

당선하

2005-11-14T01:07:00.000+04:00

Það hafðist! Til hamingju Reykvíkingar og húrra fyrir breyttum tímum. Karlinn er alltaf til í spjall. Ég er endurnærður eftir bústað í bleytu og lestur á umsögn umboðsmanns íslenska hestins, það gæti glatt doktorinn líka.

선거에의 출마

2005-11-11T02:33:00.000+04:00

Loksins kom frambjóðandi sem er maður fólksins. Þessi er amk. öðlingur að ræða við um ýmis mál í síma í tíma og ótíma. Aldrei dónalegur þótt hann sé vakinn. Og mikill kunningi árið 1998. Verst hann skuli ætla að beita sér í þessu Landsbankamáli. En hann býður pizzur og smalar úr skólum eins og Gísli Hafsteinn. Ég er þá á leið í sumarbústað. Vísindamaðurinn minn stóð sig eins og hetja, ljómaði af áhuga sem aldrei fyrr (m.v. þessa tíma) og svo líður að jólum. Þá verður neminn allavega farinn. Íbúðin er víst ekki svo verðmikil svo við ætlum ekki að selja strax. Kannski ágætt að slaka bara á hér fram á vor. Kannski þetta breytist í tíð Samma. Og skyldi maður enda í Breiðholtinu? Þá er toppnum náð. Svo lýsi ég eftir veislu. Og stórum Haftryðli.

해조

2005-10-26T00:03:00.000+04:00

Lánsvísindamaðurinn minn minnti nú á sig í dag. Hann er nú farinn að verða dálítið uppáþrengjandi og samtöl okkar eitthvað undarleg. Allt sem við segjum höfum við sagt áður. Skil ekki hvað þetta stefnir í. Svo er nemi líka hjá mér þessa daga. Sem er mjög gott þar sem ég er með hálsbólgu og get sparað röddina rétt á meðan hann er. En aldeilis sá ég við banni á innflutningi á lifandi fuglum sem gæludýrum. Rétt slapp með dálítinn sjófugl sem ég fékk sendan með Goðafossi og kom í hús á laugardag. Hann var heldur laslegur og ekki hress en það var líka ástæða þess að ég fékk hann. Frændi minn erlendur hafði slatta áhyggjur af blessaðri skepnunni. Hann hefur nafnið 크다 eða sá stóri; ég er samt að hugsa um að kalla hann bara doktor. Það er vegna þess að ég varð strax að pakka honum inn í dagblöð, fela hann inná mér og drífa hann til læknis. Menn vissu að ég þekkti dálítinn dýralækni (sem að vísu var ekki til staðar þegar ég þurfti á að halda) en í gær komst hann þó undir læknishendur. Þá var nú heldur farið að draga af honum en ég fékk þó staðfest að þetta væri svokallaður "haftryðill" og meira að segja sjaldgæfur slíkur. Nú reyni ég að fóðra þetta á skyri og fiskimjöli, annars reyni ég að stoppa þetta upp. Skólinn myndi sjálfsagt borga mér vel fyrir. Doktorinn lætur mig vita ef hann vill fá nafna sinn sendan til athugunar. En sílófón-giggið var skemmtilegt, það væri gott að vera oftar í hljómsveit en einu sinni á ári.

박제한 새

2005-10-20T02:05:00.000+04:00

Það er alltaf eitthvað nýtt. Alltaf þegar fréttir berast af hugsanlegri yfirvofandi fuglaflensu verða allir vandræðalegir. Eins og í vinnunni minni. Ef málið berst í tal þá líta menn dáldið til mín. Vandræðalegir. Eins og ég hafi svör við öllu. En það er ekki furða að fuglar fái flensu, þetta er hvert undan öðru. Mér er farið að sýnast að ég missi af airwaves. Enn á ný. Ég mun spila á bassa í afmæli á laugardag, hefði viljað fara og sjá Jeff Who hvar sem þeir eru að spila. En ekki á hverjum degi sem maður fær að spila á svona sílófón-bassa. Stórir kassar með spýtu fyrir hvern tón. Lætur manni líða dáldið eins og maður sé í bjöllukór. En það er alls ekki, verið viss. Læt ekki sjá mig í bjöllukór. Loks hvet ég forsaetisradherra til að fara aftur að skrifa.

들에서 자란

2005-10-15T03:08:00.000+04:00

Sá Ron Jeremy sem gerði það gott í fyrra með fyrirlestrum sínum í HÍ og menntaskólum í kringum einhverja bíómynd. Gekk í flasið á honum á bensínstöð í Breiðholti. Kannski hann hafi náð sér í hús hér eins og svo margir. En hér er hann við kólasallann sinn. Ætla að horfa á Freddy vs. Jason í dag. Því hún er í sjónvarpinu. Ed Harris hlýtur að redda þessu sem Jason. Annars datt mér í hug áðan að það væri pottþétt hægt að gera gott úr Freddy, Jason & Sportacus. Vegna þáttar sem ég sá áðan. Það sem getur ekki gerst. En svo fara ævintýrin að gerast.

과학 연구가

2005-10-10T23:01:00.000+04:00

Loksins fæ ég tækifæri til að iðka vísindi af alvöru. Ég fæ vísindamann að láni frá iðntæknistofnun í heila tvo daga. Hefði kannski getað dobblað doktorinn en hann er snúinn til síns heima. Eða síns hryssn. Minn vísindamaður er bara miklu betri. Hann ætlar að halda fyrirlestra eða kenna efnafræðihópunum mínum. Þá verður líka orðið svo stutt í jólin, það má segja að hann skipti upp biðinni eftir jólum á hárréttum tíma. En að allt öðru.

꼬꼬꼬꼬 울다

2005-10-07T00:39:00.000+04:00

Loksins klukkaði einhver mig. Það var Hafdís. En áður en ég gleymi mér þá:

1. Ég er alltaf hress og í stuði, til dæmis þegar einhver segir "ertu ekki hress?" þá segi ég alltaf jújú. Sama með stuð.

2. Ég hef smá áhyggjur af því að olían í landinu klárist áður en ég verð þrítugur.

3. Ég er samt ekki alltaf hress þegar ég vakna. Hvort sem það er ....eða jú stundum á laugardögum.

4. Þegar það er haust hugsa ég að nú hlakki ég til jólanna.

5. Vísindi og dans er það helsta sem ég hyggst leggja stund á það sem eftir er árs, fram í janúar, en þá hyggst ég snúa mér að kukli.

En þá vil ég klukka dr.Gunna, Gísla Martein og Sturlu Böðvarsson.

과학의 분야

2005-10-06T00:59:00.000+04:00

Já fjalla hér um vísindi vegna þess að íþróttabröltið endaði illa um helgina fyrir mig, hlaut slæma tognun og er því hættur í klassískri leikfimi. Nema þá helst að æfa að ganga í takt. Það er dyggð að ganga í takt, mér blöskraði til dæmis þegar ég var staddur setningu Alþingis á dögunum þegar ég sá þingmenn arka yfir götuna eins og kálfa í stórgriparéttum. Þar hefði ég viljað að forseti Alþingis hefði farið fremstur með gjallarhorn: "einn tveir, einn tveir, staðar nem, einn tveir". Þannig var það alltaf meðan Davíð var. En aftur að vísindunum. Þó fyrst vil ég segja að ég og frændi minn pöntuðum prufutíma hjá glímudeild Ármanns og viljum læra glímu, bara til dæmis til að geta varið okkur þegar við verðum fyrir aðkasti. Það eru víst fordæmi fyrir því að menn séu alltaf í rétti í átökum þegar þeir beita eingöngu löggiltum glímutökum. Þannig var látið óátalið þegar Grétar Mar glímdi Guðjón A. Kristinsson í rúst á ársþingi Farmanna- og fiskimannasambandssins 2002. Þó var það nánast upp úr þurru.

애기씨름

2005-09-28T02:18:00.000+04:00

Þar sem illa gengur í vinnunni hef ég farið að æfa leikfimi í sal sem við leigjum nokkrir saman. Við hitum oftast upp með því að ganga í takt og skokka en svo er þunginn settur á klassískar leikfimiæfingar og fimleika. Annars var ég að hlusta á Leaves sem frændi gaf mér. Hún er ekkert vond. Missti af slatta af lögum en hin voru ágæt. Hef svo lítið hlustað á Coldplay að ég get ekki borið saman. Ef einhver er tilbúinn í klassíska skólaleikfimi þá ætlum við að safna liði í sýningu sem boðuð er í KHÍ í mars. Ekkert dugar nema markmið sé sett. Þetta er nú aldeilis!

그 이전에

2005-09-21T02:37:00.000+04:00

Gróf upp þessa mynd frá því þegar við unnum saman í borginni ´74. Þarna er verið að taka fyrstu skóflustunguna að mjólkurstöðinni við Laugarveg. Þótti þá mikill sómi í hverfismyndinni og þykir enn!

텔레비젼 탤런트

2005-09-21T01:56:00.000+04:00

Það eru víst fleiri gamlir sem birtast á skjánum í vetur. Vinur minn Jeff Isbell (Izzy Stradlin) sendi mér email i gær og vildi vita hvort ég gæti komið að þætti sem hann vinnur að með fleirum, það er The Biggest Loser númer ég veit ekki hvað en hann á víst að vera kynnir og yfirþjálfari. Ég átti víst lítið að koma við sögu í þættinum en þurfti samt að taka útlitið hressilega í gegn svo eitthvað átti ég að sjást. Ég gaf ekki endanleg svör við þessu enda gæti ég verið of bundinn í borgarmálunum, en hann bauðst til að starfa með mér að prófkjörinu ef ég kæmi að þættinum. Hvert liggur leið?

주말에

2005-09-14T22:35:00.000+04:00

Það er stutt í helgina. Ég er sólginn í dans og tónlist svo ég hugsa mér gott til glóðarinnar þar sem von er á miklu fjöri á föstudag. Ég hef velt mér eins og hross í flagi upp úr þessari plötu og skal dansa jafnmikið og ég get á skemmtuninni. Annars er það helst að frétta að ég brá mér í gönguferð út fyrir bæinn í dag. Víðáttan átti misvel við fólk. Segi ekki orð um þetta en þið sem viljið koma á dansskemmtunina um helgina (sem stendur jú alla helgina) hafið samband, því enginn vill dansa við sjálfan sig. Ho ho ho. Eða móður sína!

포장마차

2005-09-14T00:33:00.001+04:00

Það var svo mikið rugl á okkur í júlí, fékk þessa mynd senda í dag og hélt ég myndi alveg tapa mér. Það var allt á spani og við gerðum okkur að algerum fíflum. Sem betur fer lét ég ekki sjá mig í þessu en ég hélt okkur yrði hent út úr garðinum. En sem betur fer voru verðirnir ekki mjög áberandi, ef þeir hefðu nú gáð í töskuna hennar Kyung-Soon þá hefðum við örugglega fengið sekt. Kem vonandi ekki þarna aftur, gæti varla sýnt andlitið, þetta var skammarlegt.

það fór nú illa í dag

2005-09-14T00:17:00.000+04:00

Ekki fer nú aldeilis allt eins og ætlað er. Hann frændi minn er svo laginn í höndunum og vill njóta virðingar vegna þess sem hann gerir. Ég sagði við hann þess vegna Lipur ertu og léttur á þér, leikur allt í höndum þér og í því gerðist þetta. Ætluðum í Kringluna en stemmningin var alveg farin.

2005-09-13T02:24:00.000+04:00

Frændi minn kom frá Þýskalandi um helgina. Þá var nú gaman hjá mér. Þá orti hann um ömmu okkar:
Ich bin jetzt im Islandia
Aber nicht im Korea,
Oma kommt aufs Montag-a
Leider sie hat Exema.
En hér er mynd af frænda.